0
0
ചെന്നൈ: അന്തരിച്ച മുൻ തമിഴ്‌നാട് മുൻ മുഖ്യമന്ത്രി ജെ ജയലളിതയിൽ നിന്ന് കണ്ടുകെട്ടിയ വിലപിടിപ്പുള്ള വസ്തുക്കൾ തമിഴ്‌നാട് സർക്കാരിന് കൈമാറാൻ ബെംഗളൂരുവിലെ പ്രത്യേക കോടതി നിർദ്ദേശം നൽകി.
ജയലളിതയ്‌ക്കെതിരായ അനധികൃത സ്വത്ത് സമ്പാദന കേസുമായി ബന്ധപ്പെട്ട കേസ് നടത്തിയതിന്റെ ചെലവിനത്തിൽ കർണാടക ഡിമാൻഡ് ഡ്രാഫ്റ്റ് വഴി അഞ്ച് കോടി രൂപ നൽകാനും തമിഴ്‌നാട് സർക്കാരിനോട് നിർദ്ദേശിച്ചു.
ഈ തുക എസ്.ബി.ഐ. ചെന്നൈ ശാഖയിൽ ജയലളിതയുമായി ബന്ധപ്പെട്ട സ്ഥിരനിക്ഷേപത്തിൽനിന്ന് നൽകണമെന്നും നിർദേശിച്ചു. പ്രത്യേക കോടതി ജഡ്ജി എച്ച്.എ. മോഹന്റേതാണ് ഉത്തരവ്
ബെംഗളൂരുവിലെ സർക്കാർ ട്രഷറിയിൽ സൂക്ഷിച്ച ആഭരണങ്ങൾ ലേലംചെയ്ത് കേസ് നടത്താൻ ചെലവായ തുക ഈടാക്കണമെന്നാവശ്യപ്പെട്ട് വിവരാവകാശപ്രവർത്തകൻ ടി. നരസിംഹമൂർത്തി നൽകിയ ഹർജി തള്ളിക്കൊണ്ടാണ് വിധി.
പകരം അന്തരിച്ച മുൻ മുഖ്യമന്ത്രിയുടെ സാധനങ്ങൾ തമിഴ്‌നാട് സർക്കാരിന് കൈമാറാൻ ആഭ്യന്തര വകുപ്പ് സെക്രട്ടറിക്കും കർണാടക പോലീസ് വകുപ്പിനും നിർദേശം നൽകി.
സാധനങ്ങൾ ശേഖരിക്കാൻ സെക്രട്ടറി തലത്തിൽ അനുയോജ്യരായ വ്യക്തികളെ നിയമിക്കാൻ തമിഴ്‌നാട് ആഭ്യന്തര വകുപ്പിന് കോടതി നിർദേശം നൽകി.
ആഭരണങ്ങൾ അവകാശപ്പെട്ട് ജയലളിതയുടെ സഹോദരൻ ജയരാമന്റെ മക്കളായ ജെ. ദീപയും ജെ. ദീപക്കും നൽകിയ ഹർജി കോടതി നേരത്തേ തള്ളിയിരുന്നു.
ജയലളിതയുടെ ബന്ധുക്കളുടെ ഹരജി പ്രത്യേക കോടതി തള്ളി, ആഭരണങ്ങൾ തമിഴ്‌നാട് സർക്കാരിന് കൈമാറാൻ ജഡ്ജി ഉത്തരവിട്ടു.
സർക്കാർ പിടിച്ചെടുത്തവയായതിനാൽ ഇവ ജയലളിതയ്ക്ക് അവകാശപ്പെടാനാവില്ലെന്ന് ചൂണ്ടിക്കാണിച്ചായിരുന്നു ഇത്. ജയലളിതയുടെ വസതിയായ ചെന്നൈയിലെ പോയസ് ഗാർഡൻ ദീപയുടെയും ദീപക്കിന്റെയും കൈവശത്തിലാണ്.
കേസ് നടത്തിപ്പിന് കർണാടകയ്ക്ക് നഷ്ടപരിഹാരം നൽകാൻ തമിഴ്‌നാട് സർക്കാർ അഞ്ച് കോടി രൂപ നൽകണമെന്ന് കോടതി വിധിച്ചു. എന്നാൽ, പിടിച്ചെടുത്ത വസ്തുക്കൾ ലേലം ചെയ്യേണ്ടതില്ലെന്ന് വ്യക്തമാക്കി.
അനധികൃത സ്വത്ത് സമ്പാദനക്കേസിൽ 2014 സെപ്റ്റംബർ 27ന് ബെംഗളൂരുവിലെ പ്രത്യേക കോടതി ജയലളിതയ്ക്ക് നാല് വർഷം തടവും 100 കോടി രൂപ പിഴയും വിധിച്ചിരുന്നു.
